2008年4月15日星期二

跑友聚舊

昨天完了Job,已經係尾班地鐵回家,
還要Download File入電腦才去睡覺,所以今早沒有練跑。
日間的時間就做相簿,下午心血來潮打個電話比強哥,
約佢晚上7點跑步聚舊,我們已超過1年沒有一起去練跑。

強哥是我認識十多年的朋友,亦曾經一起住鯉景灣,仲係樓上樓下添。
7點去到太古城海皮,第一個見到的係大灰熊,
大灰熊以前係馬拉松高手,可以係3小時內完成,成績僅在我之後。

接著強哥都來了,說鐵人澤都來,好開心ah,好耐都未試過咁熱鬧,
阿澤呢年經常代表香港出戰世界各地鐵人賽,
澳洲,德國,泰國,日本等等,留下不少腳毛。

今日的路程由我揸Fit,和過往一樣:
太古城,筲箕灣,阿公岩,東區走廊,杏花村,柴灣巴士廠,
明報,柴灣碼頭,小西灣運動場折返,全程12公里。

途中係筲箕灣避風塘又見到阿棠,嘩!筲箕灣幫齊人!!
而阿棠專走超長距離,全馬拉松,50公里山頭霸王,
66公里港島越野賽同100公里Trial Walker。

今日我唔知癡左邊條線,以47分跑完12公里,
平均4分鐘一公里都唔使,仲係第一個回到 太古城。
下次唔知幾時再有機會好似今日咁,一齊再跑,仲要係咁嘅速度。

我地個跑會好得意,有分沙田幫,九龍幫,柴灣幫同筲箕灣幫,
以柴灣幫人數最多,可以有30人一齊跑步,十分大陣仗,
假期沒有Job我都會同佢地一齊跑。

打左咁多字,真係幾辛苦...........


沒有留言:

發佈留言